इटहरीका जीवन पराजुली उद्योग बाणिज्य महासंघको केन्द्रीय सदस्यमा निर्वाचित
इटहरी : नेपाल उद्योग वाणिज्य महासंघको आसन्न ६०औँ महाधिवेशनअन्तर्गत भूगोल क्लस्टरबाट इटहरीका व्यवसायी जीवन पराजुली केन्द्रीय सदस्यमा निर्वाचित भएका छन्।
उद्योग वाणिज्य संघ इटहरीका अध्यक्षसमेत रहेका पराजुलीले १६ मत प्राप्त गर्दै विजयी हासिल गरेका हुन्।
कोशी प्रदेशका ३० मतदातामध्ये भएको प्रतिस्पर्धामा उद्योग वाणिज्य संघ त्रियुगा, उदयपुरका रमेश रसाइली पनि १५ मतसहित केन्द्रीय सदस्यमा निर्वाचित भएका छन्।
भूगोल क्लस्टरतर्फ ६ जना उम्मेदवार रहेकामा २ पदका लागि प्रतिस्पर्धा भएको थियो।
मधेश प्रदेशबाट विकास कुमार सारडा (उद्योग वाणिज्य संघ सिरहा, लहान) र अमर नाथ साह (सिरशा उद्योग वाणिज्य संघ) निर्वाचित भएका छन् ।
बागमती प्रदेशबाट सविन श्रेष्ठ (ललितपुर उद्योग वाणिज्य संघ) र प्रकाश मानन्धर (काभ्रे उद्योग वाणिज्य संघ) निर्वाचित भएका छन्
