इटहरी । इटहरीको संगीत चोक निवासी ४४ वर्षीय जग्गा व्यवसायी राजन गौतमको उपचारका क्रममा दुःखद निधन भएको छ ।
गौतमको विराटनगरस्थित नोबेल मेडिकल कलेज शिक्षण अस्पतालमा फोक्सोमा देखिएको संक्रमणको उपचारका क्रममा निधन भएको पारिवारिक स्रोतले जनाएको छ ।
फोक्सोमा संक्रमण देखिएपछि उनलाई उपचारका लागि अस्पताल भर्ना गरिएको थियो । उपचारकै क्रममा अचानक स्वास्थ्य अवस्था जटिल बनेपछि उनको निधन भएको परिवारले जनाएको छ ।
गौतमको पार्थिव शरीरको भोलि बिहान ८ बजे इटहरीस्थित बूढीगंगा–जमुना मुक्ति घाटमा अन्तिम संस्कार गरिने पारिवारिक स्रोतले जनाएको छ ।
