काठमाडौं । गायक पिन्टु सन्यालको नयाँ गीत **‘बयान’**को म्युजिक भिडियो सार्वजनिक भएको छ। प्रेम, सुन्दरता र जीवनका गहिरा अनुभूतिलाई कलात्मक ढंगले प्रस्तुत गरिएको यो गीतले श्रोता तथा दर्शकमाझ सकारात्मक प्रतिक्रिया बटुल्ने अपेक्षा गरिएको छ।
आधुनिक शैलीमा तयार गरिएको ‘बयान’ले प्रेमलाई केवल आकर्षणको रूपमा नभई विश्वास, समर्पण, अनुभूति र जीवन यात्राको आधारका रूपमा चित्रण गरेको छ। गीतका शब्दमार्फत प्रेमको गहिराइसँगै जीवनका उतारचढाव, आशा, सपना र सम्बन्धका संवेदनशील पक्षलाई कलात्मक ढंगले अभिव्यक्त गरिएको छ।
गीतमा पिन्टु सन्यालको स्वर रहेको छ भने शब्द दिवस पोख्रेलले लेखेका हुन्। संगीत संयोजनमा पिन्टु सन्याल र सेनेइल सिंह गुइन्डेलको सहकार्य रहेको छ, जसले गीतलाई भावपूर्ण र साङ्गीतिक रूपमा अझ सशक्त बनाएको छ।
म्युजिक भिडियोमा प्रेम, प्रकृतिको सौन्दर्य र जीवनका विविध क्षणलाई आकर्षक दृश्यमार्फत प्रस्तुत गरिएको छ। सिनेमाटोग्राफी, सम्पादन र दृश्य संरचनाले गीतको भावलाई प्रभावकारी रूपमा अभिव्यक्त गर्दै दर्शकलाई भावनात्मक रूपमा जोड्ने प्रयास गरेको देखिन्छ।
गायक पिन्टु सन्यालले ‘बयान’ आफ्नो सांगीतिक यात्राको विशेष सिर्जना भएको बताउँदै गीतले प्रेमको वास्तविक अर्थ र जीवनका संवेदनशील पक्षलाई सरल तर गहिरो शैलीमा प्रस्तुत गरेको बताए। गीतकार दिवस पोख्रेलले पनि आफ्ना व्यक्तिगत अनुभूति र प्रेमका अनुभवबाट प्रेरित भएर गीत सिर्जना गरिएको उल्लेख गर्दै प्रत्येक श्रोताले आफूलाई गीतसँग जोडिएको महसुस गर्ने विश्वास व्यक्त गरेका छन्।
फरक स्वादका सिर्जना प्रस्तुत गर्दै आएका पिन्टु सन्यालको ‘बयान’ अहिले विभिन्न डिजिटल प्लेटफर्ममार्फत सार्वजनिक भइसकेको छ। निर्माण टोलीले नेपाली संगीतप्रेमीलाई गीत सुनेर आफ्नो प्रतिक्रिया दिनसमेत आग्रह गरेको छ।
